Le Comun da La Val porté inant n svilup sostenibl. Por chësc fin ól garantí y mioré la cualité de vita de sü zitadins. Tl’elaboraziun dl program de svilup comunal vëgnel analisé la situaziun autala. Adüm ala popolaziun vëgnel definí les diretives por l’orientamënt dl Comun a tëmp mesan y lunch.
Chësc chestionar ves pîta na prüma oportunité por contribuí ativamënter al dagní de vosc Comun. Al fej pert de n prozes ampl de partezipaziun da pert di zitadins. Ti proscimi mëisc gnaral metü a jí deplü scomenciadies de chësc vers.
Cun le chestionar orunse, inater l’ater, relevé vostes aspetatives en referimënt al svilup dl paisc da La Val tl dagní. Tl medem tëmp dessel gní individué cares ch’é secundo vos les maius desfides.
Le chestionar é ponsé por düc i zitadins dai 16 agn insö. Mituns y jogn gnará trac ite tres na inrescida a pert, ponsada aposta por cöie adüm sües esigënzes.
La compilaziun dl chestionar se damana 10-15 menüc. La partezipaziun é volontara. Dütes les informaziuns vëgn coiüdes adüm y analisades en forma anomina. La inrescida é daverta fina ala fin de má de chësc ann.
Ti ofizi de comun podëise ince ciafé i formulars stampá. Podëise i compilé y i mëte tla infobox aposta. Tla medema scatura podëise ince dé jö vostes propostes y idees scrites.
Giulan por vosc impëgn!
Link por la compilaziun dl chestionar online: https://de.surveymonkey.com/r/LGPBJRD?lang=it
