Nosc lüch, a 1591 m s.l.m. é te en post a pert de sorëdl y dër chit a trëi km dal zënter dl paisc da La Val. La bela odüda che an pò se gode dal lüch, sön pres y bosc, söl imponënt Sass dla Crusc cun Piza dales Nü, Piza dales Diesc y l Ciaval, ves lasciará incantà y ne se fajaà nia descmentiè Vostes vacanzes. La bela natüra inciaria, pita tröpes sëmenes da jì a spazier pian ia diretamënter dal lüch. Tratan l'invern ciafëise pur i apascionà trusc batüs por jì cun i schi sön la nëi, podarëise anuzìé dl sorvisc debann dl skibus che Ves porta comodamënter cina ales pistes da schi. Lascièsse afasciné dala cialda atmosfera di nosc apartamënc aredà tl stil tirolej. Divertimënt garantì por nüsc pici ghesc tl atrezè parch di jüc y ai podarà gnì in contat diret cun i tiers dl lüch y tò pert al laur da paur.